Carita Kaulinan Barudak: Maen Jajampanaan

Loncéng istirahat geus ditakol. Barudak kelas opat rabul ka luar paheula-heula. Hamid, Udan, jeung Jana pangheulana bijil tuluy lumpat ka lapang. Pandeurieunana Udi, Sukma, jeung Bakir nuturkeun.

"Mid, urang maén bal yu!" ceuk Jana ka Hamid.

"Horéam ah, bisi kotor kana baju," walon Hamid.

"Urang jajampanaan wé yu!" ceuk Udi bari ngajéléng. "Soklah, resep geura jajampanaan mah," témbal Sukma.

"Sok milih balad atuh!" ceuk Udan. Kop kana nyéré kawung nu ngagolér dina taneuh, dicekel puhuna. "Mid, urang lotre eung kuring!" pokna deui.

Hamid ngeupeul nyéré luhureun leungeun Udan, terus mapay ka luhur nepi ka nyéré téh henteu bisa kacekel deui.

Halaman Selanjutnya